Hallo!

Schön häsch du uf mini Websitä gfundä!
Min Namä isch Katja und ich steck hinter Katja Theiler Fotografie. 
Ich bi 26i bi z Einsiedlä ufgwachsä und wohne mittlerwile in Rothethurm im Kanton Schwyz.

>> Momänt feschthaltä und Erinnerigä schaffä <<


S Fotografierä isch scho immer en grossi Lidäschaft vo mir gsi. So han ich en Lehr als Fotofachfrau imä Fotofachgeschäft dörfe machä und im 2015 erfolgrich abgschlossä. Nach derä Zit han ich Erfahrige ide Schuelfotografie gsammlet. D Arbet mit dä Chind hät mir so viel Spass gmacht, dass ich mich für en zweiti Usbildig entschlossä ha und hüt schaff ich vollziit als Unterstufelehrerin.  
Näbed mim Bruefsalltag gang ich immer no minerä Lidäschaft, am Fotografierä nachä, was en perfekte Usglich isch.

Es wür mich freuä, wänn ich dich scho gli darf kännelernä und vo dir oder dinä liäbstä Erinnerigä cha schaffä. 

Härzlichst - Katja